Դունյա Միյատովիչը դատապարտել է Ադրբեջանում լրագրողների վրա կատարված հարձակումները
Ադրբեջանական Turan լրատվական գործակալության փոխանցմամբ՝ ԶԼՄ-ների ազատությունների հարցերով ԵԱՀԿ-ի ներկայացուցիչ Դունյա Միյատովիչը դատապարտել է մայիսի 6-7-ին Բաքվում անցկացված հասարակական բողոքների լուսաբանման ժամանակ լրագրողների վրա կատարված հարձակումները.
«Այդ լրագրողները հարձակման են ենթարկվել հասարակական բողոքների լուսաբանման ժամանակ: Լրագրողների նկատմամբ բռնության վերջին ակտերը հարուցում են մտահոգություն առանց այն էլ Ադրբեջանում մամուլի ազատության շուրջ ստեղծված տագնապալի իրավիճակի պայմաններում»:
Ադրբեջանցի լրագրողների վրա հարձակումներն ու նրանց ձերբակալումն իրականացվել է Բաքվի՝ ծանր հանցագործությունները քննող դատարանի շենքի մոտ տեղի ունեցած բողոքի ակցիայի ժամանակ, երբ տևական ժամկետներով ազատազրկվեցին NIDA շարժման ակտիվիստները:
