Դժբախտ պատահար` Երևանում. բեռնատարի թափքը շրջվել է քաղաքացիների վրա. կա 1 զոհ, 1 վիրավոր
Մայիսի 6-ին, ժամը 12.40-ին տեղեկատվություն է ստացվել, որ Երևանի Արարատյան փողոցում բեռնատար ավտոմեքենայի թափքը շրջվել է քաղաքացիների վրա. անհրաժեշտ է օգնություն:
Դեպքի վայր է մեկնել փրկարարական ջոկատը:
Պարզվել է, որ «ՄԱՆ» մակնիշի 035 LT 61 պետհամարանիշի ավտոմեքենայի թափքը պոկվել և շրջվել է երկու քղաքացիների վրա, որոնցից մեկը տեղում մահացել է, մյուսը, մինչ փրկարարների կանչի վայր հասնելը, տեղափոխվել է «Էրեբունի» ԲԿ:
Լուսանկարը` Գագիկ Շամշյանի
ՀՀ Արտակարգ իրավիճակների նախարարություն
