Ուկրաինայի արևելքում շարունակվելու է հակաահաբեկչական գործողությունը. Տուրչինով
Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը հայտարարել է, որ Ուկրաինայի արևելքում շարունակվելու է հակաահաբեկչական գործողությունը, ինչը կտա իր արդյունքները:
Տուրչինովի խոսքերով՝ արևելյան շրջաններում հակաահաբեկչական գործողության իրականացումը բարդացնում է այն, որ այդ մարզերի բնակիչներն աջակցում են անջատողականներին:
Տուրչինովը հավելել է, որ արևելյան շրջաններին աջակցելու և այլ շրջաններում անջատողականների գործողություններն անհնար դարձնելու նպատակով ՆԳՆ-ին կից ստեղծվում են հատուկ ստորաբաժանումներ:
Տուրչինովն ընդգծել է, որ ներկա դրությամբ արդեն իսկ գործում է նմանատիպ 7 գումարտակ: Տուրչինովը բարձր է գնահատել հակաահաբեկչական գործողության ժամանակ Ազգային գվարդիայի պրոֆեսիոնալ գործողությունները:
