Դավիթ Մանուկյանը զգուշացրեց Արմեն Աշոտյանին. Չհամարձակվել ակցիայի մասնակիցներից որևէ մեկին ազատել աշխատանքից
«Դեմ եմ» նախաձեռնության անդամ Դավիթ Մանուկյանը ԿԳ նախարարության դիմաց տեղի ունեցող ակցիայի ժամանակ զգուշացրեց ՀՀ կրթության և գիտության նախարարին՝ չհամարձակվել իրենց սովորության համաձայն այս ակցիայի մասանակիցներից որևէ մեկին ազատել աշխատանքից։ Ակցիայի մասնակից մանկավարժներից մեկն էլ հայտարարեց, որ բողոքի ակցիային չեն մասնակցում ավելի մեծ թվով մանկավարժներ, քանի որ ուսումնական հաստատությունների մեծ մասը քաղաքականացված են ու դրա համար վախենում են իրենց բողոքի ձայնը բարձրացնել։ «Դեմ եմ»-ի մասնակիցներից մեկն էլ՝ հակադարձելով Արմեն Աշոտյանին, թե հանդիպման չի իջնում, քանի որ բողոքի ակցիաները քաղաքակիրթ ձև չեն, ասաց, թե սա շատ քաղաքակիրթ ձև է:
