Էրդողանը հույս է հայտնել, որ ԱՄՆ-ն ամենամոտ ժամանակներս կարտահանձնի Ֆեթհուլլահ Գյուլենին
Թուրքական Dünya Bülteni լրատվական կենտրոնի փոխանցմամբ՝ Թուրքիաի վարչապետ Ռեջեփ Էրդողանն իր գլխավորած «Արդարություն ու զարգացում» կուսակցության (ԱԶԿ) ժողովում անդրադարձել է ԱՄՆ-ում բնակվող իսլամական հասարակական գործիչ Ֆեթհուլլահ Գյուլենի խնդրին:
Հիշեցնելով 2013 թվականի դեկտեմբերի 17-ի ու 25-ին Թուրքիայում կատարված իրադարձությունների (հակակոռուպցիոն գործողություն) մասին՝ Էրդողանը հայտարարել է, որ դա եղել է քաղաքացիական հեղաշրջում.
«Իմ գրասենյակում տեղադրել են գաղտնալսող սարքեր: Գաղտնալսել են նախարարներին: Մի՞թե կարելի է հայրենասեր անվանել այս ամենն իրականացրած մարդկանց: Նրանց համարում եմ կազմակերպություն»:
Էրդողանը հույս է հայտնել, որ ԱՄՆ-ն ամենամոտ ժամանակներս կարտահանձնի Ֆեթհուլլահ Գյուլենին, ինչից հետո նրա դեմ կսկսվի իրավական գործընթաց:
