Մարզպետ Արամայիս Գրիգորյանը վաղը կնշանակվի Բնապահպանության նախարար
«Ա1+»-ի փոխանցմամբ՝ վաղը Կառավարությունը աշխատանքից կազատի Արարատի մարզպետ Արամայիս Գրիգորյանին։
Հիշեցնենք, որ 168.am-ի տեղեկություններով՝ կառավարության կազմի ձևավորումից հետո փոխվելու են նաև մի քանի մարզպետներ: Մասնավորապես, բնապահպանության նախարարի պաշտոնակատար Արամ Հարությունյանը նշանակվելու է` Կոտայքի, գեներալ Մանվել Գրիգորյանի որդին՝ Էջմիածնի քաղաքապետ Կարեն Գրիգորյանը` Արմավիրի, իսկ ԱԺ նախկին պատգամավոր Հովիկ Աբովյանը՝ Տավուշի մարզպետ: Նույն աղբյուրների համաձայն, փոխվելու է նաև Արագածոտնի մարզպետը: Թե ով է փոխարինելու գործող մարզպետ Սարգիս Սահակյանին, մեզ չհաջողվեց պարզել:
Չի բացառվում, որ վաղվա կառավարության նիստում հրապարակվեն նաև նոր մարզպետների անունները:
Ամբողջությամբ՝ սկզբնաղբյուր կայքում:
