2016 թվականին Աբու Դաբիում կգործի տարածաշրջանի առաջին տիեզերակայանը
National թերթի փոխանցմամբ՝ ԱՄԷ-ում տիեզերակայանի կառուցման աշխատանքները պետք է ավարտվեն մինչև 2016 թվականը: Պարբերականի տվյալներով՝ տարածաշրջանում առաջին տիեզերակայանը գտնվելու է Աբու Դաբի էմիրությունում:
Տիեզերակայանի կառուցմանը մասնակցում են ամերիկյան Virgin Galactic և ԱՄԷ-ի Aabar Investments ընկերությունները: Պարբերականն ընդգծում է, որ մինչև տիեզերակայանի կառուցման ավարտը ԱՄԷ-ի քաղաքացին կուղևորվի տիեզերք: Տոմսն արժենալու է 250.000 դոլար:
