Օբաման վստահեցրել է, որ կփրկի Պուտինին, եթե վերջինս սկսի սուզվել
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման Հարավային Կորեայում կազմակերպված մամուլի ասուլիսի ժամանակ վստահեցրել է, որ կփրկի Ռուսաստանի նախագահ Վլադիմիր Պուտինին, եթե վերջինս սկսի սուզվել (խորտակվել).
«Բնականաբար, ես կփրկեմ նախագահ Պուտինին, եթե նա սկսի սուզվել: Ես կցանկանայի հավատալ, որ եթե ինչ-որ մեկը սկսի սուզվել, ես կկարողանամ փրկել նրան: Ես վատ լողորդ չեմ, ես մեծացել եմ Հավայան կղզիներում և ունեմ մեծ պրակտիկա»:
Նշվում է, որ ավելի վաղ, երբ Պուտինն ուղիղ շփվել է Ռուսաստանի բնակիչների հետ, նրան հարցրել էին, թե արդյոք ԱՄՆ-ի նախագահը կփրկե՞ր նրան, եթե նա սուզվեր: Ի պատասխան՝ Պուտինը հայտարարել էր, որ Օբաման պարկեշտ մարդ է, ունի բավականաչափ քաջություն և բնականաբար կաներ դա:
