Նազարբաևը դեմ է արտահայտվել Ուկրաինայի ներքին գործերին արտաքին միջամտությանը
Բրիտանական Reuters լրատվական գործակալության փոխանցմամբ` Ղազախստանը դատապարտել է Ուկրաինայի հանդեպ Ռուսաստանի վարած քաղաքականությունը:
Կենտրոնական Ասիայի խոշորագույն տնտեսությունն ունեցող Ղազախստանի` դեռևս խորհրդային ժամանակներից անփոփոխ առաջնորդ Նուրսուլթան Նազարբաևը երեկ հայտարարել է, որ 17 միլիոն բնակչությամբ Ղազախստանը մտահոգ է եղբայրական, ուկրաինական ժողովրդի ճակատագրով.
«Մենք վստահ ենք, որ Ուկրաինայի ժողովուրդն ինքը պետք է որոշի իր ներքին խնդիրները` առանց արտաքին միջամտության, շահագրգիռ բոլոր կողմերի հետ բանակցությունների միջոցով: Մենք ոչ միայն մտահոգ հետևելու ենք, այլև ակտիվ մասնակցություն ենք ունենալու, որ հենց այդպես էլ լինի»:
