Վրաերթի ենթարկված ավտոմեքենայի վարորդը հայտնաբերվել է
Ապրիլի 18-ին, ժամը 01.30-ի սահմաններում, Երևանի Դավիթ-Բեկի և Հովսեփյան փողոցների խաչմերուկում անհայտ մակնիշի և պետհամարանիշի ավտոմեքենան դուրս է եկել երթևեկելի մասից և ընդհարվել քարերին, ինչի հետևանքով երկու ուղևորները, որոնց ինքնությունը պարզվել է, մարմնական վնասվածքներով տեղափոխվել են «Էրեբունի» բժշկական կենտրոն:
Ոստիկանության Մարաշի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ վրաերթի ենթարկվածը «Օպել» մակնիշի ավտոմեքենա է, որը վարել է 1971 թ. ծնված Սուրեն Գ.-ն: Անցկացված բացատրական աշխատանքների շնորհիվ նույն օրը, ժամը 16.20-ին, վերջինս ներկայացել է բաժանմունք:
Կատարվում է քննություն:
ՀՀՈստիկանություն
