Երևանում տեղի է ունեցել բույսերի կարանտինի համակարգող խորհրդի նիստը
ԱՊՀ անդամ պետությունների բույսերի կարանտինի համակարգող խորհրդի 2013թ.-ի դեկտեմբերի 4-ի (Մինսկ, Բելառուս) նիստի ընթացքում կայացրած որոշման համաձայն` հերթական նիստը տեղի ունեցավ Երևանում՝ 2014 թ.-ի ապրիլի 11-ին:
Բելառուսի Հանրապետության սերմերի և բույսերի պաշտպանության պետական տեսչության պետ Լ. Վ. Պլեշկոն ընտրվեց որպես համակարգող խորհրդի նախագահ:
Նիստի ընթացքում քննարկվեցին ԱՊՀ անդամ պետությունների բուսասանիտարիայի վիճակի, բույսերի կարանտինի ոլորտում համագործակցության 1992թ. նոյեմբերի 13 -ի համաձայնագրի բարեփոխման վերաբերյալ արձանագրության նախագծի, ինչպես նաև բուսասանիտարական ոլորտում համագործակցության ընդլայնման և հատուկ մոտեցում պահանջող դեպքերում համատեղ աջակցությանն առնչվող հարցեր:
Բույսերի կարանտինի համակարգող խորհրդի հաջորդ նիստը տեղի կունենա 2015 թ.-ին Աստանայում:
