Մանրամասներ Ծառուկյան-Տեր-Պետրոսյան-Հովհաննիսյան հանդիպումից. ԳԱԼԱ

Երեկ ՀԱԿ-ԲՀԿ-Ժառանգություն եռակողմ հանդիպումը քաղաքական ուժերի ղեկավարների մակարդակով ԲՀԿ-ն համարում է շատ արդյունավետ: Հանդիպմանը մասնակցած ԲՀԿ-ական Ստեփան Մարգարյանը ԳԱԼԱ-ի հետ զրույցում շեշտել է, որ անհրաժեշտություն կար նման հանդիպման եւ մշակել են հետագա համատեղ համագործակցության ռազմավարություն:

Եռակողմ հանդիպումից մանրամասներ ԳԱԼԱ-ի հետ զրույցում ներկայացնում է Ստեփան Մարգարյանը:

-Պարոն Մարգարյան, ՀՅԴ-ն հայտարարեց, որ նման ֆորմատով հանդիպման անհրաժեշտություն չկա, եւ քառյակի ղեկավարների հանդիպումը կայացավ առանց նրանց: Ինչպե՞ս եք գնահատում:

-Հանդիպման պայմանավորվածությունը մենք արեցինք այսպես. իրենք են որոշում՝ ով կգա: Եվ  նախապես պայմանավորվել էինք, որ որեւէ մեկի չգալը չեն դիտի դուրս գալ քառյակից, եւ չեկողը չի համարի, որ լավ չեն արել, որ հանդիպել են: Դրա համար պատճառ չեմ համարում կարծելու, որ դուրս կգան եւ այլ պատճառ այս պահին որեւէ քաղաքական ուժի  դուրս գալու վերաբերյալ եւս հայտնի չէ: Իսկ հանդիպումը բավականին նորմալ եւ արդյունավետ է անցել:

-Ի՞նչ հարցեր էիք քննարկում:

-Հետագա ռազմավարության խնդիր ենք քննարկել: Համագործակցության խնդիր կա եւ արդեն երկար ժամանակ խորհրդարանական խմբակցությունները համագործակցում են, բայց ուժերի ղեկավարները դեռ չէին հանդիպել այսպես:  Խնդիր կար հանդիպման, որոշեցինք կազմակերպել այս անգամ, հատկապես որ կառավարության հրաժարականի հետ կապված ստեղծվել է նոր քաղաքական իրավիճակ, եւ հետագա համագործակցության խնդիրները պետք է վերանայվեին:

-Մենք հիմնականում քննարկել ենք այն հարցերը, ինչ որ կան խմբակցությունների համագործակցության օրակարգում: Ունենալով կուսակցություններ, որոնք տարբեր կարծիքներ ունեին՝ մենք գտել ենք ընդհանուրը: Եվ կարեւորեցինք, որ այսուհետ եւս կարող ենք առանձին վերաբերմունք ունենալ այս կամ այն հարցի վերաբերյալ, բայց գործողություններն անել այն հարցերի շուրջ, որոնք համարում ենք ընդհանուր:

-Դուք ծրագիր եք մշակել եւ ծրագի՞ր եք ներկայացնելու:

-Այո, մեր օրակարգում դա կար մինչեւ կառավարության հրաժարականը: Հիմա եթե ծրագիրը կվերցնեն, փառք ու պատիվ իրենց, եթե չեն վերցնի,մենք կշարունակենք այն գործընթացը, ինչ որ անում էինք: Մենք ձեռնամուխ կլինենք դրանց իրականացմանը, դրանց չընդունման դեպքում եթե շարունակեն աշխատել Տ. Սարգսյանի ծրագրով եւ ոճով, այդ ժամանակ հասարակական ընդվզումը բավականին մեծ կլինի:

-Հնարավո՞ր է նոր իրավիճակում Ս. Սարգսյանի հրաժարականը պահանջեք:

-«Եթե»-ներով խոսելը հիմա իմաստ չունի:  Ես ասում եմ՝ եթե շարունակվի նույն ծրագրով, առնվազն քաղաքական լուրջ ընդվզում տեղի կունենա: Պահանջները կլինեն շատ ավելի ռադիկալ:

-Ս. Սարգսյանի հետ հանդիպմանը ձեր ծրագրերի մասին ներկայացրեցի՞ք, եւ ինչպես ընդունեց:

-Իհարկե, մենք ներկայացրինք, որ անելու ենք տնտեսական ֆորում: Ասել ենք, որ եթե քաղաքական մեծամասնությունից ցանկություն կլինի, կարող են գալ եւ մասնակցել տնտեսական քաղաքականության մեր ֆորումին: Դրսից, արտասահմանից էլ ճանաչված տնտեսագետներ կան հրավիրված: Այսինքն դա լուրջ մոտեցում է  լինելու: Մեր տեսակետները սրանք են, առաջիկայում Սահմանադրության հետ կապված էլ այն է, որ երկրում կա տնտեսական ճգնաժամ եւ տնտեսական փոփոխության պահանջ, ոչ թե Սահմանադրության:

-Հնարավո՞ր է այս ամենը հաշվի առնելով՝ երեկ ՀՀԿ ԳՄ-ն  չշտապեց վարչապետ նշանակելու հարցում:

-Դժվարանում եմ ասել, չգիտեմ:

-Իսկ Ս. Սարգսյանը վարչապետի պաշտոնի առաջարկություն արե՞ց:

-Այս հանդիպման ընթացքո՞ւմ՝ ո՛չ:

Ամբողջական հարցազրույցը՝ սկզբնաղբյուր կայքում