Հաց-մածուն-սմետան. «ՀԺ»
«ՀԺ»-ն գրում է. ՀՀ ազգային վիճակագրական ծառայության երեկ հրապարակած պաշտոնական տվյալների համաձայն՝ այս տարվա հունվար-փետրվարին՝ անցած տարվա նույն ժամանակահատվածի համեմատ, Հայաստանում հացի արտադրությունը նվազել է 1,3 տոկոսով, մածունինը՝ 1,9 տոկոսով, թթվասերինը՝ մոտ 20 տոկոսով։
Եթե թթվասերի սպառման ծավալների նվազումը հիմնականում բացատրվում է բնակչության գնողունակության նվազմամբ, ապա հացի և մածունի պարագայում խնդիրը բնակչության քանակի նվազումն է։ Առաջին անհրաժեշտության ապրանքների սպառման ծավալների նվազման միտումը նկատվում է արդեն մի քանի ամիս շարունակ:
Ուշագրավ է,որ նշված ժամանակահատվածում, ըստ նույն պաշտոնական վիճակագրության, Հայաստանում միջին ամսական աշխատավարձը աճել է 6.5 տոկոսով, իսկ գնաճը կազմել է 5.1 տոկոս,–գրում է թերթը։
