Ուկրաինան հայցեր կներկայացնի ընդդեմ Ռուսաստանի
Ուկրաինան մտադիր է միջազգային դատարաններում հայցեր ներկայացնել Ռուսաստանի դեմ` Ղրիմում ուկրաինական սեփականությունն ազգայնացնելու համար: Այս մասին հայտարարել է Ուկրաինայի վարչապետ Արսենի Յացենյուկը, հաղորդում է «Ինտերֆաքս» գործակալությունը:
«Ռուսաստանը կարող է հանգիստ լինել. ամենակարճ ժամկետներում միջազգային դատարաններում համապատասխան հայցեր կստանա Ուկրաինայից»,-հայտարարել է Յացենյուկը: Նա նշել է, որ ներկայումս Ուկրաինայի ղեկավարությունը լրջորեն քննարկում է Ռուսաստանի ֆինանսական պատասխանատվության հարցը` Ղրիմում կատարված իրադարձությունների համար: «Խոսքը միլիարդավոր դոլարների մասին է»,-ընդգծել է Յացենյուկը:
