Եվրամիությունը չի ճանաչում և չի ճանաչելու Ղրիմի ու Սևաստոպոլի բռնակցումը Ռուսաստանին. ԵՄ
Եվրամիության խորհրդի եւ եվրահանձնաժողովի նախագահներ Հերման վան Ռոմպեյն ու Ժոզե Մանուել Բարոզոն հանդես են եկել համատեղ հայտարարությամբ, որում արձանագրում են, որ ԵՄ-ն չի ճանաչում Ռուսաստանի կազմում Ղրիմի ընդգրկվելու փաստը:
«Պետք է պահպանվեն Ուկրաինայի ինքնիշխանությունը, տարածքային ամբողջականությունն ու անկախությունը: Եվրամիությունը չի ճանաչում ինչպես Ղրիմի հանրաքվեի օրինականությունը, այնպես էլ դրա արդյունքները: Եվրամիությունը չի ճանաչում եւ չի ճանաչելու Ղրիմի եւ Սեւաստոպոլի բռնակցումը Ռուսաստանին»,- ասվում է հայտարարության մեջ:
