Ռուսաստանը Ղրիմը ճանաչել է որպես անկախ պետություն
INTERFAX-ի փոխանցմամբ` Ռուսաստանի նախագահ Վլադիմիր Պուտինը հրամանագիր է ստորագրել Ղրիմի Հանրապետությունը որպես ինքնիշխան եւ անկախ պետություն ճանաչելու մասին, հայտնել է ՌԴ նախագահի մամուլի ծառայությունը:
«Հաշվի առնելով համաղրիմյան հանրաքվեում Ղրիմի ժողովուրդների կամարտահայտությունը` Ղրիմի Հանրապետությունը, որտեղ Սեւաստոպոլ քաղաքն ունի հատուկ կարգավիճակ, ճանաչել որպես ինքնիշխան եւ անկախ պետություն: Հրամանագիրն ուժի մեջ է մտնում ստորագրման պահից»,-նշվում է հրամանագրում:
