Միասնական քննչական կոմիտեն կստեղծվի. ԱԺ-ն հավանություն տվեց նախագծին
Ազգային ժողովում քիչ առաջ քվեարկության դրվեց «ՀՀ քննչական կոմիտեի մասին» օրինագիծը: Նախագիծն ընդունվեց 71 կողմ, 2 դեմ և 37 ձեռնպահ ձայների հարաբերակցությամբ: Դեմ քվեարկեցին միայն ԱԺ ՀԱԿ խմբակցության պատգամավորներ Նիկոլ Փաշինյանն ու Հրանտ Բագրատյանը: ՀԱԿ մյուս պատգամավորները, ԲՀԿ և Ժառանգություն խմբակցությունները ձեռնպահ քվեարկեցին: Հիշեցնենք, որ օրինագծով նախատեսվում է ստեղծել նոր մարմին՝ միասնական քննչական կոմիտե, որը ղեկավարելու է նախկին գլխավոր դատախազ Աղվան Հովսեփյանը:
