Մամեդյարովը Փարիզում հանդիպել է ԵԱՀԿ Մինսկի խմբի հետ
Ադրբեջանական APA լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը երեկ Փարիզում հանդիպել է ԵԱՀԿ Մինսկի խմբի համանախագահներ Ժակ Ֆորի (Ֆրանսիա), Իգոր Պոպովի (Ռուսաստան) ու Ջեյմս Ուորլիքի (ԱՄՆ) հետ:
Հանդիպմանը մասնակցել է նաև ԵԱՀԿ գործող նախագահի հատուկ ներկայացուցիչ Անջեյ Կասպրշիկը: Հանդիպման ժամանակ կողմերը քննարկել են Ղարաբաղյան հակամարտության կարգավորման հարցը: Նշվում է, որ ԵԱՀԿ Մինսկի խումբն այսօր Մոսկվայում հանդիպելու է Հայաստանի արտգործնախարար Էդվարդ Նալբանդյանի հետ:
