Ադրբեջանում հայտնված Մամիկոն Խոջոյանը 6 երեխա ունի
Կարմիր խաչի գրասենյակի ներկայացուցիչներն այսօր կլինեն Տավուշի մարզի Վերին Կարմրաղբյուր գյուղում, կհանդիպեն համայնքի ղեկավար Կամո Չոբանյանին՝ Մամիկոն Խոջոյանի հետ կապված որոշ հարցեր քննարկելու համար: Կամո Չոբանյանը 168.am-ի հետ զրույցում ասաց, որ հայտնի չէ՝ երբ է Մ. Խոջոյանը հատել սահմանը, սակայն երեկ՝ հունվարի 28-ին, ժամը 15:00-ի սահմաններում նրան տեսել են «ներքին զոնայում»:
Համայնքի ղեկավարի խոսքով՝ Մամիկոն Խոջոյանի կինը տարիներ առաջ մահացել է, նա ունի 6 երեխա: Հիշեցնենք՝ Մ. Խոջոյանը Հայաստանի սահմանը հատել է երեկ: Նա բնակվում էր Տավուշի մարզի Վերին Կարմիր Աղբյուր գյուղում, ծնվել է 1937 թվականին: Երեկ մեզ հետ զրույցում Կամո Չոբանյանն ասել էր, որ Մ. Խոջոյանը հոգեկան խնդիրներ ունի:
Ավելի շուտ՝ ադրբեջանական APA լրատվական գործակալությունը՝ հղում անելով ԿԽՄԿ-ի ադրբեջանական ներկայացուցչությանը, տեղեկություն էր տարածել, որ Կարմիր Խաչի միջազգային կոմիտեի (ԿԽՄԿ) ներկայացուցիչներն արդեն բանակցություններ են սկսել Ադրբեջանի իշխանությունների հետ:
