APA-ն հայտնել է Թովուզի շրջանում ձերբակալված Հայաստանի քաղաքացու անունը
Ադրբեջանական APA լրատվական գործակալության փոխանցմամբ՝ հայտնի է դարձել հայի անունը, ով հատել է շփման գիծը և ձերբակալվել է: Ադրբեջանի գերիների, անհետ կորածների ու պատանդների հարցերով պետական հանձնաժողովի քարտուղար Շահին Սաիլովը հայտարարել է, որ այսօր ժամը 16.00-ի մոտ քաղաքացիական անձ Մամիկ Տիգրանի Խոջայանը ձերբակալվել է Թովուզի շրջանի Ալիբեյլի գյուղի բնակիչների կողմից, որոնք նրան հանձնել են զինվորականներին:
Սաիլովի խոսքերով՝ ձերբակալվածի տարիքը կազմում է մոտ 65 տարեկան: Թովուզի շրջանի Գործադիր իշխանության ղեկավարի առաջին տեղակալ Մահիր Հասանովը հայտնել է, որ Հայաստանի քաղաքացուն ձերբակալել են գետն անցնելու փորձ կատարելիս:
