Ուկրաինայի վարչապետը դեմ չէ կառավարության հրաժարականին
Ուկրաինայի վարչապետ Նիկոլայ Ազարովը կառավարության կողմից հրաժարական ներկայացնելու պատրաստակամություն է հայտնել, հաղորդում է «Газета.Ru»-ն:
Նա նշել է, որ դա տեղի կունենա այն ժամանակ, երբ այդ հարցում լինի խորհրդարանի համաձայնությունը: Ազարովը հայտարարել է նաեւ, որ Ուկրաինայի իշխանությունները պատրաստ են ընդդիմության հետ երկխոսության` նախագահական ընտրության վերաբերյալ օրենսդրության հարցում: «Մենք կարող էինք փոխզիջում գտնել այդ հարցում»,-ավելացրել է նա:
Ավելի վաղ հայտնի էր դարձել, որ Գերագույն ռադայի արտահերթ նստաշրջանը կհրավիրվի հունվարի 28 –ին:
