Աշոտ Ահարոնյան. Կարեն Բաբակեխյանին կփոխարինի ոստիկանության գնդապետ Վարդան Նադարյանը
ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը քիչ առաջ 168.am-ի հետ զրույցում հաստատեց այն տեղեկությունը, որ ՀՀ ոստիկանության Շիրակի մարզային վարչության պետ Կարեն Բաբակեխյանն ազատվել է պաշտոնից: Մեր հարցին՝ որն է Կ. Բաբակեխյանի ազատման պատճառը, Աշոտ Ահարոնյանը պատասխանեց, որ կադրային փոփոխություններ իրականացվում են ոստիկանությունում ընթացող բարեփոխումների շրջանակներում:
«Կադրային փոփոխությունները միմիայն դիտեք որպես ոստիկանությունում ընթացող բարեփոխումների շրջանակներում»,- ասաց Աշոտ Ահարոնյանը՝ նշելով, որ կադրային փոփոխություններ միշտ լինում են: Ա. Ահարոնյանի խոսքով՝ Կարեն Բաբակեխյանին կփոխարինի ոստիկանության գնդապետ Վարդան Նադարյանը, ով զբաղեցնում էր ոստիկանության Կոտայքի մարզային վարչության պետի պաշտոնը:
