Կարմիր Խաչի ներկայացուցիչներն այցելել են Ադրբեջանում պահվող Հակոբ Ինջիղուլյանին ու հայ ընտանիքին
![](https://168.am/wp-content/uploads/2014/01/Karmir-xach.jpg)
Ադրբեջանական APA լրատվական գործակալության փոխանցմամբ՝ Կարմիր Խաչի միջազգային կոմիտեի (ԿԽՄԿ) ներկայացուցիչներին այցելել են Ադրբեջանում գերության մեջ պահվող հայ զինծառայող Հակոբ Ինջիղուլյանին և 5 քաղաքացիական անձանց, որոնք հանդիսանում են մեկ ընտանիքի անդամներ (Եղիշե, Ռուզաննա, Ալֆրեդ, Գայանե և Պետրոս Գևորգյաններ):
Այս մասին հայտարարել է ԿԽՄԿ-ի ադրբեջանական ներկայացուցչության՝ հասարակության հետ կապերի բաժնի ղեկավար Իլահ Հուսեյնովը: Վերջինիս խոսքերով՝ ԿԽՄԿ-ի ներկայացուցիչների այդ այցն իրականացվել է երեկ: Գերության մեջ պահվողներն իրազեկվել են իրենց հարազատների ու մերձավորների մասին, նույնպիսի տեղեկատվություն է ստացվել նրանցից: