ԵՄ-ը զգուշացրել է Յանուկովիչին՝ կապված «Եվրամայդանի» հնարավոր գրոհի հետ
Грузия Online-ի փոխանցմամբ՝ Ուկրաինայում ԵՄ-ի ներկայացուցչության ղեկավար Յան Թոմբինսկին Ուկրաինայի իշխանություններին զգուշացրել է եվրաինտեգրման կողմնակիցների դեմ ուժ չկիրառելու մասին, որոնք անժամկետ բողոքի ակցիաներ են անցկացնում Կիևի «Անկախության» հրապարակում: Այս մասին Թոմբինսկին գրել է Facebook-ի իր էջում.
«Ուշադրության առնելով կառավարության անդամների մեկնաբանությունները և Կիևի կենտրոնում հանրահավաքների անցկացման վրա արգելք դնելու մասին դատարանի որոշումը՝ ես հիշեցնում եմ, որ քաղաքական կարգավորումը մշտապես ավելի լավ է, քան՝ ուժի կիրառումը: Եթե գերակայի ուժի փաստարկը, ապա կպարտվեն քաղաքական բոլոր ուժերը, ինչպես նաև ողջ Ուկրաինան ընդհանրապես»:
