Վնասվել է Սերժ Սարգսյանի նվիրած ավտոմեքենան (տեսանյութ)
tesankyun.am-ի աղբյուրների փոխանցմամբ՝ տարեմուտին Իջևան քաղաքում բախվել են Տավուշի մարզպետ Արմեն Ղուլարյանի խորհրդական, իջևանցի բանաստեղծ Լյուբիկ Չիբուխչյանին պատկանող «Իսուզու» մակնիշի ավտոմեքենան և Տավուշի մարզկենտրոնի ներքաղաքային երթուղու միկրոավտոբուսներից մեկը: Ճանապարհային ոստիկանությունից կայքը ճշտել է, որ պատահարի հետևանքով տուժածներ չկան, պատճառվել է նյութական վնաս, դեպքի կապակցությամբ նյութեր են նախապատրաստվում: Տավուշի մարզպետ Արմեն Ղուլարյանին փաստացի պատկանող մարզային «Տավուշ» հեռուստաընկերության ռեպորտաժում ասվում է, որ հայ-ռուսական բարեկամության մեջ կատարած մեծ ներդրման համար 2011թ. Լյուբիկ Չիբուխչյանը պարգևատրվել է ոսկե մեդալով և ՀՀ նախագահ Սերժ Սարգսյանի կողմից՝ «Իսուզու» մակնիշի ավտոմեքենայով:
Լուսանկարը՝ tesankyun.am-ի
