Մերց․ Եվրոպայի անվտանգության համակարգն արդեն գոյություն ունի ՆԱՏՕ-ի շրջանակում
Գերմանիայի կանցլեր Ֆրիդրիխ Մերցը հայտարարել է, որ Եվրոպային անհրաժեշտ չէ քննարկել անվտանգության նոր ճարտարապետության ստեղծումը, քանի որ այն արդեն ձևավորված է ՆԱՏՕ-ի, մասնավորապես՝ դաշինքի եվրոպական բաղադրիչի շրջանակում։
Մերցի խոսքով՝ Հելսինկյան անվտանգության կարգի փլուզման ամբողջ պատասխանատվությունը կրում է Մոսկվան։
«Եվրոպայի անվտանգությունն ապագայում առաջին հերթին կապահովի ուժեղ, միասնական և եվրոպական ՆԱՏՕ-ն»,- ընդգծել է Գերմանիայի կանցլերը։
