Իրանում երկրաշարժի հետևանքով 7 մարդ է զոհվել
France-Presse լրատվական գործակալության փոխանցմամբ՝ Իրանի հարավում գտնվող Բուշեհր նահանգում երեկ գրանցվել է 5.7 մագնիտուդ ուժգնությամբ երկրաշարժ: Դրա հետևանքով զոհվել է 7 և վիրավորվել է 30 մարդ:
Կարմիր մահիկի ներկայցուցիչը հայտարարել է, որ ավերածությունները հիմնականում առնչվել են իրանական ավանդական տներին, որոնց կառուցման ժամանակ հաշվի չի առնվել տարածաշրջանի սեյսմիկ ակտիվությունը: Երկրաշարժի էպիկենտրոնից 60 կիլոմետր հեռավորության վրա գտնվում է «Բուշեհրի» ատոմակայանը:
Երկրաշարժի հետևանքով ատոմակայանի տուժելու մասին ոչինչ չի հաղորդվել:
