Թուրքիան զենքով ապահովում է սիրիացի ընդդիմադիրներին. Քեմալ Քըլըչդարօղլու
Թուրքական TRT Haber հեռուստաալիքի փոխանցմամբ՝ Թուրքիայի հիմնական ընդդիմադիր «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուն հայտարարել է, որ Թուրքիան զենքով ապահովում է սիրիացի ընդդիմադիրներին:
Քըլըչդարօղլուի խոսքերով՝ այդ ամենն իրականացվում է նրա համար, որպեսզի թաքցվի Սիրիական ճգնաժամում երկրի ֆիասկոն: Քըլըչդարօղլուն հավելել է, որ երկիրը սխալ քաղաքականություն է վարում մերձավորարևելյան այդ երկրի հանդեպ.
«Կառավարությունն իր վարած մերձավորարևելյան քաղաքականության հետևանքով կորցրել է տարածաշրջանի հիմնական ու առանցքային երկրները, ինչպիսիք են Եգիպտոսը, Սիրիան ու Իսրայելը»:
