Նեչիրվան Բարզանիի պատվիրակությունը ժամանում է Անկարա
Թուրքական Dünya Bülteni լրատվական կենտրոնի փոխանցմամբ՝ այսօր Թուրքիա է ժամանում Հյուսիսային Իրաքի քրդական ինքնավարության վարչապետ Նեչիրվան Բարզանին: Բարզանիի պատվիրակության կազմում է գտնվելու նաև ինքնավարության բնական պաշարների նախարար Աշթի Հավրամին:
Բարզանիի պատվիրակությունը ժամանելու է Անկարա, ուր և հանդիպելու է Թուրքիայի վարչապետ Ռեջեփ Էրդողանի հետ: Ակնկալվում է, որ հանդիպման արդյունքներով կողմերը կարող են ստորագրել մի շարք պայմանագրեր Հյուսիսային Իրաքից Թուրքիա նավթի փոխադրման շուրջ:
Հիշեցնենք, որ օրեր առաջ էլ Դիարբեքիր էր ժամանել Հյուսիսային Իրաքի քրդական ինքնավարության ղեկավար Մասուդ Բարզանին, ով բանակցություններ էր վարել Էրդողանի հետ:
