Իտալիայի նախագահը հիմքեր չի տեսնում Բեռլուսկոնիին ներում շնորհելու համար

Diretta News-ի փոխանցմամբ՝ Իտալիայի նախագահ Ջորջո Նապոլիտանոն հայտարարել է, որ հիմքեր չի տեսնում նախկին վարչապետ Սիլվիո Բեռլուսկոնիի գործին միջամտելու և նրան ներում շնորհելու համար: Նապոլիտանոյի խոսքերով՝ Բեռլուսկոնին դատապարտվել է լուրջ մեղադրանքներով, և նա պետք է հարգանք ցուցաբերի պետական ինստիտուտների նկատմամբ:

Դրանից մեկ օր առաջ Բեռլուսկոնին հայտարարել է, որ Նապոլիտանոն պետք է ներում շնորհի իրեն, որպեսզի իրեն զերծ պահի «հասարակական ամոթալի աշխատանքներ» կատարելուց: Եվ այնուամենայնիվ, նախագահին դեռ չի ուղղվել ներման պաշտոնական դիմում: