Հայաստանի ու Ադրբեջանի նախագահների հանդիպումը կարող է նոր խթան հանդիսանալ ԼՂ հակամարտության կարգավորման համար. ԱՄՆ
Ադրբեջանական Trend լրատվական գործակալության փոխանցմամբ՝ Հայաստանի ու Ադրբեջանի նախագահների միջև հանդիպումը կարող է նոր խթան հանդիսանալ Ղարաբաղյան հակամարտության կարգավորման համար: Այս մասին այսօր հայտարարել է ԵԱՀԿ-ում ԱՄՆ-ի ներկայացուցիչ Դանիել Բերը.
«Մենք ողջունում ենք հանդիպում անցկացնելու և հակամարտության կարգավորման հետագա քայլերը քննարկելու վերաբերյալ Հայաստանի ու Ադրբեջանի նախագահների մտադրությունը: Այժմ ժամանակն է խոսքից անցնել գործի:
ԱՄՆ-ը՝ որպես ԵԱՀԿ Մինսկի խմբի համանախագահ, շարունակում է հավատարիմ մնալ հակամարտող կողմերի հետ աշխատելուն՝ խաղաղ կարգավորմանը հասնելու համար: Հակամարտության կարգավորման խաղաղ ճանապարհն ու բանակցությունները չունեն այլընտրանք»:
