Լիբանանյան Տրիպոլիում վերսկսվել են Բաշար Ասադի կողմնակիցների ու հակառակորդների զինված բախումները
Al-Mayadeen հեռուստաալիքի փոխանցմամբ՝ Լիբանանի հյուսիսում գտնվող Տրիպոլի քաղաքում Սիրիայի նախագահ Բաշար Ասադի կողմնակիցների ու հակառակորդների միջև այսօր վերսկսվել են կատաղի զինված բախումները:
Վաղ առավոտից նրանց միջև ընթանում է հրաձգային զենքով ու նռնականետերով փոխադարձ գնդակոծություն: Զոհերի մասին ոչինչ չի հաղորդվել: Անկարգությունների պատճառով բարդացել է տրանսպորտի երթևեկությունը, փակվել են դպրոցներ ու համալսարան:
