Մուրսիի նկատմամբ դատական գործընթացը մեկնարկելու է նոյեմբերի 4-ին
Ռուսական ИТАР-ТАСС լրատվական գործակալության փոխանցմամբ՝ Եգիպտոսի նախկին նախագահ Մուհամմեդ Մուրսիի նկատմամբ դատական գործընթացը մեկնարկելու է նոյեմբերի 4-ին: Այդ մասին հայտարարվել է այսօր:
Մուրսին մեղադրվում է «Ալ Իթթիհադիա» նախագահական նստավայրի մոտ ցուցարարների սպանությանը մասնակցություն ունենալու մեջ: Մուրսին բանակի կողմից իշխանությունից հեռացվել է հուլիսի 3-ին, ինչն իրականացվել է հակակառավարական հուզումների ֆոնին:
Պաշտոնանկությունից հետո Մուրսին կալանքի տակ է պահվում է Կահիրեի մոտ գտնվող վիլլաներից մեկում, որը պատկանում է ռազմական հետախուզությանը:
