Առանց այլ երկրների հետ մրցակցության, Իրանի տնտեսությունը չի լինի կայուն. Հասան Ռոուհանի
Իրանի նախագահի կայքի փոխանցմամբ՝ Իրանի նախագահ Հասան Ռոուհանին հայտարարել է, որ առանց այլ երկրների հետ մրցակցության, Իրանի տնտեսությունը չի լինի կայուն, քանի որ անհնար կլինի Իրանի շուրջ ցանկապատ կանգնեցնելը:
Նախագահի խոսքերով՝ Իրանի տնտեսությունը կապված է համաշխարհային տնտեսության հետ, իսկ երկրի հիմնական եկամուտները ստացվում են թե՛ նավթային, թե՛ ոչ նավթային արդյունաբերության արտադրանքի արտահանումից:
Անդրադառնալով երկրի արտաքին քաղաքականությանը՝ Ռոուհանին հայտարարել է, որ 50 օրվա ընթացքում հաջողվել է երկրի արտաքին քաղաքականությունն առաջ մղել 500 օրով:
