Իրանի ժողովուրդը ծանր գին է վճարում ռազմական միջուկային ծրագրի համար. Նեթանյահու
BBC-ին տված հարցազրույցի ժամանակ Իսրայելի վարչապետ Բենիամին Նեթանյահուն դիմել է Իրանի ժողովրդին. «Իսրայելի ու Իրանի ժողովուրդները կարող են հաստատել բարեկամական հարաբերություններ, երբ որ ընկնի ներկայիս ռեժիմը (Թեհրանում):
Հենց այաթոլլահների վարչակարգն է պատասխանատու Իրանի հանդեպ սահմանված կոշտ պատժամիջոցների ու երկրում տիրող տնտեսական ծանր իրավիճակի համար: Իրանի ժողովուրդը ծանր գին է վճարում ռազմական միջուկային ծրագրի համար, որի գոյությունը հերքվում է վարչակարգի կողմից: Ես պատրաստ եմ ողջունել միջուկային ծրագրի լուծումը մոտեցնելու ուղղությամբ անկեղծ, սակայն ոչ կեղծավոր ջանքերը»:
