Յանուկովիչը հույս է հայտնել, որ Եվրախորհրդարանի ներկայիս կազմը կվավերացնի Ուկրաինայի ու ԵՄ-ի միջև Ասոցացման համաձայնագիրը
ZN.UA-ի փոխանցմամբ՝ Ուկրաինայի նախագահ Վիկտոր Յանուկովիչը հույս է հայտնել, որ Ուկրաինայի ու ԵՄ-ի միջև Ասոցացման համաձայնագիրը կվավերացվի ներկայումս գործող Եվրոպական խորհրդարանի կազմի կողմից: Յանուկովիչն այս հայտարարությունն արել է Եվրոպական խորհրդարանի ներկայացուցիչների հետ հանդիպման ժամանակ.
«Մենք նաև հուսով ենք, որ հենց այս խորհրդարանը, որի լիազորությունները պահպանվելու են մինչև 2014 թվականը, կմասնակցի նաև Ուկրաինայի ու ԵՄ-ի միջև Ասոցացման համաձայնագրի վավերացման աշխատանքներին: Մենք ունենք որոշակի լավատեսություն, որ Եվրոպական խորհրդարանի հենց այդ կազմը կանի Ուկրաինայի հետ պատմական քայլը»:
Նշվում է,որ Եվրոպական խորհրդարանի ընտրություններն անցկացվելու են 2014 թվականի մայիսի 22-25-ին: Ուկրաինան ԵՄ-ի հետ Ասոցացման համաձայնագիրը ստորագրելու է այս տարվա նոյեմբերին Վիլնյուսում կայանալիք «Արևելյան գործընկերության» գագաթաժողովի ժամանակ:
