ՌԴ Պետդուման դիտորդներ կուղարկի Ադրբեջան
Ռուսական РИА Новости լրատվական գործակալության փոխանցմամբ՝ Պետդուման իր դիտորդներին ուղարկելու է Ադրբեջան՝ կապված այդ երկրի առաջիկա նախագահական ընտրությունների հետ:
Պատվիրակությունը գլխավորելու է Պետդումայի՝ ԱՊՀ-ի հետ հարցերով հանձնաժողովի նախագահ Լեոնիդ Սլուցկին (Ռուսաստանի լիբերալ դեմոկրատական կուսակցություն): Պատվիրակության կազմում են ներառվելու խորհրդարանական բոլոր խմբակցությունների պատգամավորներ:
Ադրբեջանում նախագահական ընտրություններն անցկացվելու են այս տարվա հոկտեմբերի 9-ին: Ադրբեջանի ԿԸՀ-ը պաշտոնապես գրանցել է նախագահի 10 թեկնածուի:
