ԵՄ-ը կարող է մեկ տարում Ասոցացման համաձայնագրեր ստորագրել Վրաստանի ու Մոլդովայի հետ. Շտեֆան Ֆյուլե

Грузия Online-ի փոխանցմամբ՝ ԵՄ ընդլայնման հարցերով հանձնակատար Շտեֆան Ֆյուլեն Յալթայում կազմակերպված եվրաինտեգրման հարցերով ֆորումում հայտարարել է, որ ԵՄ-ը կարող է մեկ տարվա ընթացքում Ասոցացման համաձայնագրեր ստորագրել Վրաստանի ու Մոլդովայի հետ՝ նոյեմբերի վերջին Վիլնյուսում կայանալիք գագաթաժողովից հետո.

«Վիլնյուսյան գագաթաժողովում կարող է իրականացվել այդ համաձայնագրերի ստորագրման նախապատրաստությունը, և դրանք կարող են ստորագրվել մեկ տարվա ընթացքում: Արդեն իսկ ընթանում է Վրաստանի ու Մոլդովայի հետ Ասոցացման համաձայնագրերի ստորագրման պատրաստությունը»: