Սիրիացի ապստամբներին արգելվել է «հակաիսլամական բուլկիներ» ուտելը
Al Arabiya հեռուստաալիքի փոխանցմամբ՝ Սիրիայի Հալեպ քաղաքի Շարիաթական հանձնաժողովը իսլամական օրենքներին հակասող է ճանաչել եղջյուրաձև բուլկիների ու կրուսանների պատրաստումը:
Համապատասխան ֆեթվան կազմողների կարծիքով՝ կիսալուսնի տեսք ունեցող այդ բուլկիները «հիշեցնում» են մուսուլմանների նկատմամբ քրիստոնյաների տարած հաղթանակի մասին: Վերջին շրջանում Հալեպի բազմաթիվ թաղամասերի վերահսկողությունը ձեռք բերած իսլամիստները հրապարակել են առօրյա կյանքին առնչվող նմանատիպ բազում ֆեթվաներ:
Մասնավորապես, կանանց արգելվել է զբաղվել դիմահարդարմամբ և կրել կիպ (իրանը գրկող) հագուստ: Հալեպի մնացյալ բնակիչներին սպառնացել են բանտարկությամբ, եթե նրանք պաս չպահեն Ռամադանի ժամանակ:
