Շվեյցարիայում գնացքների բախման հետևանքով վիրավորվել է 35 մարդ (տեսանյութ)
France-Presse լրատվական գործակալության փոխանցմամբ՝ երեկ երեկոյան Շվեյցարիայի Վո կանտոնում (շրջան) միմյանց են բախվել երկու գնացքներ, ինչի հետևանքով զոհվել է նրանցից մեկի մեքենավարը:
Ճշգրտված տվյալներով՝ բախման հետևանքով տարբեր աստիճանի մարմնական վնասվածքներ է ստացել 35 մարդ, որոնցից 5-ի առողջական վիճակը բժիշկները գնահատում են միջին ծանրության: Սակայն նրանց կյանքին ոչինչ չի սպառնում:
Գնացքներում գտնվել է 46 մարդ, որոնք բոլորն էլ Շվեյցարիայի քաղաքացիներ են: Վթարի պատճառներն անհայտ են մնում:
