Եգիպտոսում վերստեղծվել է Մուբարաքի ժամանակվա հատուկ ծառայությունը

Բրիտանական The Guardian թերթի փոխանցմամբ՝ Եգիպտոսի ՆԳՆ-ը երեկ հայտարարել է Պետանվտանգության հետաքննչական վարչության վերստեղծման մասին: Այդ հատուկ ծառայությունը գահընկեց արված նախագահ Հոսնի Մուբարաքի ժամանակ զբաղվել է քաղաքական հետաքննությամբ:

Այդ որոշումը հարուցել է եգիպտացի բազմաթիվ իրավապաշտպանների վրդովմունքը, քանի որ այդ հատուկ ծառայությունը պատասխանատու է մարդու իրավունքների բազում խախտումների, մարդկանց առևանգելու, կտտանքների ենթարկելու և սպանելու համար:

Իրավապաշտպաններն ընդգծել են, որ պետանվտանգության ոլորտում իշխանությունների վերջին գործողությունները կարող են վկայել Եգիպտոսում Մուբարաքի ժամանակվա վերադարձի մասին: