Գորիում վերստին կտեղակայվի Ստալինի հուշարձանը
Грузия Online-ի փոխանցմամբ՝ Վրաստանի մշակույթի նախարարության որոշմամբ Գորի կվերադարձվի Ստալինի հուշարձանը: Մշակույթի նախարարությունը բավարարել է Գորիի քաղաքային խորհրդի միջնորդությունը՝ կապված խորհրդային առաջնորդի հուշարձանի վերականգնման հետ:
Ենթադրվում է, որ այն կվերականգնվի մինչև դեկտեմբերի 21-ը՝ Ստալինի ծննդյան օրը: Հուշարձանը տեղակայվելու է Իոսիֆ Ջուղաշվիլիի (Ստալին) հին տան առջև: Ստալինի հուշարձանը Գորիում ապամոնտաժվել է 2010 թվականի հունիսին:
