Բարաք Օբաման այսօր Վաշինգտոնում հանդիպելու է Բալթյան երկրների ղեկավարների հետ
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման այսօր Վաշինգտոնում հանդիպելու է Մերձբալթյան երկրների ղեկավարների հետ:
Օբաման Լիտվայի նախագահ Դալյա Գրիբաուսկայտեի, Լատվիայի նախագահ Անդրիս Բերզինշի և Էստոնիայի նախագահ Թոմաս Հենդրիկ Իլվիսի հետ քննարկելու է Մերձբալթյան տարածաշրջանի ռազմական, էներգետիկ և կիբեր անվտանգության հարցերը:
Մեծ ուշադրություն է հատկացվելու տնտեսական համագործակցության և անդրատլանտյան առևտրային համաձայանագրի մասին ԵՄ-ի հետ բանակցությունների ասպեկտներին: Բացի այդ, կողմերը պլանավորում են քննարկել ՆԱՏՕ-ի շրջանակներում համագործակցության հարցը:
Գրիբաուսկայտեն հայտարարել է, որ ՆԱՏՕ-ի պլանի համաձայն, այս տարի տարածաշրջանում անցկացվելու են ամենախոշորամասշտաբ զորավարժությունները:
