Վրաստանի խորհրդարանը հերթական անգամ հաղթահարել է նախագահի դրած վետոն
Грузия Online-ի փոխանցմամբ՝ Վրաստանի խորհրդարանը երեկ 92 քվեով հաղթահարել է նորմատիվ ակտերի մասին օրինագծի վրա նախագահ Միխեիլ Սաակաշվիլիի դրած վետոն: Այդ օրինագծով կանոնակարգվում են Աբխազիայի ինքնավար հանրապետության կողմից օրենսդրական ակտերի ստորագրումն ու կանոնների ընդունումը:
Օրինագծի հաստատումը նշանակում է, որ 2014 թվականի հունվարից 1-ից գործելու է նորման, որը Աբխազիայի ինքնավար հանրապետության Գերագույն խորհրդի նախագահին հատկացնում է օրենսդրական ակտերի ընդունման լիազորություններ նախքան վտարանդիության մեջ գտնվող Աբխազիայի կառավարության ղեկավարի նշանակումը:
Նախագահը դեմ էր դրան, քանի որ նրա կարծիքով՝ նորման չի համապատասխանում Աբխազիայի ինքնավար հանրապետության սահմանադրությանը:
