Ճանաչիր քո դրամը
«Արևիկը և Քաջիկը սովորում են նույն դասարանում: Նրանք լավ աշակերտներ են և մտերիմ ընկերներ: Մի օր, դասամիջոցին, երբ Քաջիկը ճաշարանում վճարում էր նախաճաշի համար, գանձապահը վերադարձնում է նրա տված 1000 դրամանոց թղթադրամը` ասելով, որ կեղծ է: Քաջիկը շփոթվում է և փորձում մտաբերել, թե որտեղից իր մոտ կարող էր հայտնվել կեղծ թղթադրամ: Նրան օգնության է հասնում Արևիկը…»։
Սա ոչ թե հերթական լուրն է Հայաստանի ոստիկանական լրահոսից, այլ ՀՀ կենտրոնական բանկի կողմից հրապարակված «Ճանաչիր քո դրամը» ձեռնարկի նախաբանը։ 24-էջանոց գունավոր ուսումնական ձեռնարկում ներկայացված է ՀՀ դրամի պատմությունը, պաշտպանիչ գծերը և այլ տեղեկություններ։ Ձեռնարկը հնարավոր է ներբեռնել ՀՀ ԿԲ պաշտոնական էջից՝ հետևյալ հղումով։
