Բաքվում ու Նախիջևանում մեկնարկել են թուրք-ադրբեջանական համատեղ զորավարժություններ
Ադրբեջանական Turan լրատվական գործակալության փոխանցմամբ՝ Ադրբեջանի ու Թուրքիայի զինված ուժերը համատեղ զորավարժություններ են սկսել Բաքվում ու Նախիջևանում: Այս մասին նշված է Թուրքիայի զինված ուժերի Գլխավոր շտաբի կայքում:
Այսօր մեկնարկած զորավաժությունները մեկնարկել են այսօր և տևելու են մինչև հուլիսի 28-ը: Զորավարժությունների անցկացման նպատակը երկու երկրների զինծառայողների միջև մարտական փորձի փոխանակումն է:
Բաքվում ընթացող զորավարժություններին մասնակցում է Թուրքիայից հետևակային մեկ ստորաբաժանում, իսկ Նախիջևանում՝ թուրքական մեկ մոտոհրաձգային դասակ:
