Տիգրան Սարգսյանը հանդիպեց Բուզանդի բնակիչներին
ՀՀԿ ԳՄ նիստից հետո ՀՀ վարչապետ Տիգրան Սարգսյանը մոտեցավ ՀՀԿ գրասենյակի մոտ հավաքված Բուզանդի փողոցի բնակիչներին՝ ասելով. «Ո՞ւմ էի խոստացել նիստից հետո հանդիպել»:
Այնուհետև Տիգրան Սարգսյանը առաջարկեց ներկաներից 10 հոգանոց խումբ կազմել, և իր հետ գնալ ՀՀ կառավարության շենք՝ քննարկելու նրանց մտահոգող խնդիրը:
Այս պահին հանդիպումը դեռևս շարունակվում է:
Հիշեցնենք, որ այսօր ՀՀԿ ԳՄ նիստից առաջ կուսակցության գրասենյակի առջև հավաքվել էին Բուզանդի փողոցի, Հանրապետության նրբանցիք խաբված մի խումբ բնակիչները՝ իրենց հասանելիք բնակարանները վերադարձնելու պահանջով:
Մինչև նիստի մեկնարկը՝ նրանց էր մոտեցել ՀՀ վարչապետ ՏԻգրան Սարգսյանն ու խոստացել ԳՄ-ից հետո խոսել բնակիչների հետ: Նրանք վանկարկում են «նա-խա-գահ» ու անգամ սպառնում՝ այս անգամ էլ իրենց մոտ չիջնելու ու իրենց խնդրին լուծում չտալու դեպքում՝ մտնել ՀՀԿ կենտրոնական գրասենյակ ու հենց այնտեղ ապրել: «Ստեղ ա մեր շենքը եղել: Մի ժամանակ մեր խաղահրապարակն էր ստեղ: Խուժաններ, վաղը գալու ենք ջարդելու ենք՝ էս մեր փողոցն ա: Հերիք եղավ՝ սաղիդ գլուխը կուտեմ»,- նշեց բնակչուհիներից մեկը: Հակառակ դեպում, նրանք սպառնում են՝ «գնալու ենք Իշխան Զաքարյանի տանը ապրենք»: Վերջինս հիշեցրեց, որ Սերժ Սարգսյանն իր վարչապետության տարիներին «ձեռքը խփել ա սեղանին» ու ասել, որ առանց տուն ոչ մեկ չի մնա, բայց վեց տարի է բնակիչներին անտուն են:
