Մեծ բարերար Ջոն Հանթսմանը խզել է կապերը Վարդան Օսկանյանի հետ. մամուլ
««Սիվիլիթաս» հիմնադրամի խորհրդի անդամ Ջոն Հանթսմանը խզել է իր կապերն ԱԺ ԲՀԿ-ական պատգամավոր, «Սիվիլիթասի» նախագահ Վարդան Օսկանյանի հետ: «Ժողովուրդին» տեղեկություններ հասան այն մասին, որ Հանթսմանը դադարեցրել է անգամ հիմնադրամի ֆինանսավորումը»,- գրում է «Ժողովուրդ» օրաթերթն ու շարունակում.
«Հատկանշական է, որ մեծ բարերար Հանթսմանը նման որոշման է հանգել ոչ թե Օսկանյանի նկատմամբ փողերի լվացման մեղադրանքով հարուցված քրեական գործի մասին տեղեկանալուց անմիջապես հետո, այլ տակավին վերջերս:
Ինչո՞ւ է Հանթսմանը սառեցրել հարաբերություններն Օսկանյանի հետ: «Ժողովուրդի» այս հարցին «Սիվիլիթաս» հիմնադրամի տնօրեն Սալբի Ղազարյանը շատ կարճ պատասխան տվեց. «Մեկնաբանություն չունեմ»: Իսկապես որ, ի՞նչ սրտով մեկնաբաներ»:
