Էրդողանը ցուցարարներին կոչ է արել դադարեցնել բողոքի ակցիաները
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը ցուցարարներին կոչ է արել դադարեցնել բողոքի ակցիաները:
Էրդողանի խոսքերով՝ բողոքի ակցիաների շարունակումն առաջին հերթին վնասում է պետությանն ու երկրի քաղաքացիներին: Էրդողանը վերստին հայտարարել է, որ կան արտաքին ուժեր, որոնք շահագրգռված են երկրում իրավիճակի անկայունացմամբ:
Էրդողանն իր համակիրներին կոչ է արել հունիսի 15-ին և 16-ին հանրահավաքներ կազմակերպել Ստամբուլում և Անկարայում:
Օրեր առաջ Թուրքիայի փոխվարչապետ Բյուլենթ Արընչը հայտարարել էր, որ բողոքի ակցիաները երկրին պատճառել են 70 միլիոն լիրայի (37 միլիոն դոլար) վնաս:
