Նախագահական ընտրությունների օրն իրանցիները հերթական հարվածը կհասցնեն ԱՄՆ-ին. Ալի Խամենեի
Իրանական IRNA լրատվական գործակալության փոխանցմամբ՝ ամերիկացի չինովնիկները վերստին անհաջողություն են կրում՝ առաջիկա նախագահական ընտրություններում Իրանի ժողովրդի կամարտահայտմանը խոչընդոտելուն ուղղված իրենց ջանքերում:
Այս մասին այսօր Թեհրանում՝ Իմամ Հուսեյնի անվան համալսարանում, հայտարարել է Իրանի գերագույն ղեկավար և հոգևոր առաջնորդ, այաթոլլահ Ալի Խամենին: Խամենեիի խոսքերով՝ իրանցիներն ԱՄՆ-ի իշխանություններին կհասցնեն հերթական հարվածը՝ ընտրությունների օրը ցույց տալով բարձր մասնակցություն:
Իրանում նախագահական ընտրություններն անցկացվելու են հունիսի 14-ին:
Հիշեցնենք, որ սրանից առաջ Ջոն Քերին հայտարարել է, որ Իրանի նախագահական ընտրությունները չեն կարող արտացոլել այդ երկրի ժողովրդի իրական ընտրությունը:
